Vegna óviðráðanlegra orsaka frestast útkeyrslan sem átti að vera á næstkomandi fimmtudag á Reykjanesi fram á föstudag.

Nú hækkuðum við verðið í fyrsta skipti frá því við hófum sölu á fóðrinu okkar góða í apríl 2009. Hækkunin sem fór beint í vasa ríkissjóðs um áramótin þegar virðisaukaskatturinn telst hreinlega ekki með.

Almenn vísitöluhækkun hefur verið um 20-25% á þessu tímabili og við vorum hógvær og hækkuðum sem nemur 3,5-5,7% og vonum að með góðri hagræðingu getum við haldið því lengi.

Nú er hægt að kaupa nautavambirnar stakar í 4 mismunandi útfærslum í vefverslun okkar.

* stakar 500g pakkningar með hökkuðum vömbum
* stakar 1kg pakkningar með strimlum
* 10stk 500g hakkaðar vambir
* 10stk 1kg strimlaðar vambir.

Seinni tvær stærðirnar eru hægt að panta stakar, hitt einungis með fóðri að sinni.

Frábært til að fita hunda eða bragðbæta annað fóður :)

Það er 20% afsláttur af öllum beinum fram að páskum, líka af magnpakkningum.

Nýtt í versluninni eru hráir, heilir grísaleggir. Þeir eru um 25-30cm að lengd og allt að 800g. Þeir kosta 350,- en eru einnig með 20% afslætti og eru því á 280,- Hvert bein endist mjög lengi.

Það verður keyrt út Reykjanesi á fimmtudaginn eins og venjulega, þótt það lendi á skírdag í þetta sinn. Við verðum með fyrri föllunum og reynum að vera mætt á fyrsta útkeyrslustað um 17-leytið.

www.tinyurl.com/hundahreysti  - Hundahreysti á Facebook!

Nordic ferskfóður fæst nú á fleiri stöðum. Sappó vefverslun á Akureyri hefur bæst við í hópinn ásamt Dekurdýr í Kópavogi Sappó er ný vefverslun á Akureyri sem fer ört stækkandi. Kíkið reglulega á vefinn, það er alltaf að bætast við eitthvað nýtt. Dekurdýr selur einnig nautarifbeinin, bæði heil og söguð. Dekurdýr er gæludýraverslun og snyrtistofa við Dalveg í Kópavogi. Ásta María og Sóley hafa margra ára starfsreynslu sem hundasnyrtar og í versluninni má fá alla hluti frá flottum lúxusbælum í kexbar, hamstrafóður og sýningartauma.

Nú erum við farin að selja hráu beinin í 10-pakk með 20% afslætti. Kíkið í vefverslun okkar.

Fleiri ánægðir notendur hafa bæst í hópinn :) Að þessu sinni eru það Stormur chihuahua ásamt Rolf, Robbi og Skrepp en þeir eru griffonstrákar og allir í eigu Ástu Maríu Karlsdóttur.  Sjá meðmæli hér.

Dýralæknamiðstöðin Grafarholti hefur hafið sölu á Nordic ferskfóðri. Þar er opið virka daga 8-17 og á laugardögum frá 11-14.

Um miðjan janúar fjölgar útsölustöðum á Nordic ferskfóðri og verður fáanlegt á Dýralæknamiðstöðinni í Grafarholti sem og hjá Dekurdýrum í Kópavogi.

Dekurdýr - verslun og hundasnyrting
Dalvegi 18
Sími: 554-4242

www.dekurdyr.is

Hundaheimar eru farin að selja hrá bein, verða með söguð rif, heil rif og sagaða leggi á lager, verða af og til með heila leggi líka en best er að hringja á undan sér til að vera viss um að það sé til. Leggirnir eru mjög stórir og komast fáir í lítinn frysti.

Panta um jólin? Ekkert mál. Við keyrum út eins og venjulega alla miðvikudaga í desember, líka 23. og 30. des. Keyrum svo út á REYKJANES ÞRIÐJUDAGANA 22. des og 29. des. Til að fá afhent til Akureyrar skal snúa sér beint til Sigurlaugar: silla@grisara.is

Loksins er hægt að panta hrá bein gegnum vefverslun okkar ef keypt er fóður. Til eru heilir og hálfir nautaleggir og heil og þriðjungs nautarif.

Það eru komin fleiri meðmæli á síðunni "Ánægðir Nordicnotendur". Það er Japanskur Chin og tveir svartir Miniature Schnauzer, þar af ein tík með hvolpa.

Svo hringdi í mig einn viðskiptavinur með cavalierhund. Hann hefur alltaf verið mjög matgrannur en eftir að hún byrjaði að gefa honum Nordic hefur hann þyngst um 350g á einni viku. Ótrúlegt, en satt.

Það er svo oft eitthvað að gerast hjá okkur í Hundahreysti að við höfum ákveðið að uppfæra fréttirnar hjá okkur reglulega.

Nýtt í dag er að schäfertíkin Yrja er komin á Nordic ferskfóður og bæði hundur og eigandi eru hæst ánægð. Sjá undir "ánægðir Nordicnotendur".